بيقولوا مريم العذراء ظهرت من جديد في مصر ومش عارف مين يقولك ان ده دليل إن السماء بتؤيدنا.. بعيداً عن رأيي في ظهورها نفسه من عدمه.. لكن السماء هتأيدنا على إيه؟! على إننا خير شعوب الأرض بنحمل شعلة النور والكفاح والعلم والإيمان لكل الأرض؟ ولا على انتخاباتنا الحرة النزيهة المشرفة؟ ولا على مشاحناتنا والدماء والشرف اللي بيسيلوا بينا وبين حد بيكلم نفس لغتنا ويدين بنفس دينا عشان ماتش كورة؟!
سمعت عن الجدار العازل؟! أكيد سمعت زي ما سمعت عن خارطة الطريق وحرب غزة والحرب العالمية الأولى والتانية كمان.. بس سمعت بقى إن الجدار ده احنا اللي هنبنيه؟! اه وربنا احنا اللي هنبنيه زي ما بنينا الهرم ونحفرله تحت الأرض تلاتين متر زي ما حفرنا لقناة السويس.. وعلى رأي الحاج إبراهيم عيسى.. هل الحديد المستخدم حديد من بتاع عمو عز ولا حديد مستورد؟!! بس أنا مش زعلان إننا هنبني جدار نحاصر بيه غزة عشان تبقى متحاوطة من النحيتين بحجة ان ده الأمن القومي.. عارفين مش زعلان ليه؟! عشان انا واثق ان الجدار ده زي أي حاجة مصرية هيبقى مقهور يا عيني ومفستك ومخلع وابقى قابلني لو وقفله يومين على بعض.. مش بعيد يدوله حبايتين زرق يسندوه !! إنما السؤال اللي بياكلني.. هيبقوا حبايتين إيريك ولا فايركتا؟!!
عادل إمام يقولك إنه عرض ينزل موقعة ام درمان عشان يهدي الأجواء المشحونة بين مصر والجزائر في السودان..
عادل إمام يقولك إنه يقدم فناً عالمياً إنسانياً وهو لم ينل جائزة دولية واحدة توحد ربنا..
عادل إمام بيتخانق على الفضائيات مع خالد الجندي ويشتم عمرو خالد..
عادل إمام يقولك أنا لما دخلت مدرج في ندوة حضرتها ولقيت الطالبات المسيحيات بشعرهم زعلت جداً إننا بنفرق بين الطلاب وبعضيهم المفروض عشان نبقى كيان واحد منعرفش مين المسلم ومين المسيحي.. وإذا كانت المسيحية عمرها ما هتلبس حجاب يبقى المسلمة......
عادل إمام فتح قناة مخصوص لنفسه...
هو مين عادل إمام ده بقى؟!!
قال ايه بتاعة في حب مصر! ومبادرات وحمام أبيض بيطير في السما، وأغصان زيتون وأغاني وطنية وعلم مصر وعلاء مبارك وموسيقى عسكرية وأهلي واسماعيلي.. وفي وسط الماتش الجماهير تنزل شتيمة في بعضيها بالأب والأخ والخال والعم بس بالأم لأ.. عارفين ليه؟! عشان المبادرة يا جماعة دي حاجة واضحة يعني!! إنما اللي نفسي أعرفه هل ممكن نلاقي مبادرة زي دي بين أصحاب المخابز وآكلين العيش ؟!!!
آخر علامة استفهام.. هو احنا دلوقتي بقينا في السنة الهجرية رقم كام؟! الواحد بقاله زمان مش بيبص في نتيجة، ولا بيكتب التاريخ الهجري قبل الميلادي - زي ما أبلة عفاف علمتنا - على يمين الصفحة.. يا ترى حد معاه نمرة أبلة عفاف عشان أسألها هى دي السنة رقم كام؟!!
18 ديسمبر 2009
سمعت عن الجدار العازل؟! أكيد سمعت زي ما سمعت عن خارطة الطريق وحرب غزة والحرب العالمية الأولى والتانية كمان.. بس سمعت بقى إن الجدار ده احنا اللي هنبنيه؟! اه وربنا احنا اللي هنبنيه زي ما بنينا الهرم ونحفرله تحت الأرض تلاتين متر زي ما حفرنا لقناة السويس.. وعلى رأي الحاج إبراهيم عيسى.. هل الحديد المستخدم حديد من بتاع عمو عز ولا حديد مستورد؟!! بس أنا مش زعلان إننا هنبني جدار نحاصر بيه غزة عشان تبقى متحاوطة من النحيتين بحجة ان ده الأمن القومي.. عارفين مش زعلان ليه؟! عشان انا واثق ان الجدار ده زي أي حاجة مصرية هيبقى مقهور يا عيني ومفستك ومخلع وابقى قابلني لو وقفله يومين على بعض.. مش بعيد يدوله حبايتين زرق يسندوه !! إنما السؤال اللي بياكلني.. هيبقوا حبايتين إيريك ولا فايركتا؟!!
عادل إمام يقولك إنه عرض ينزل موقعة ام درمان عشان يهدي الأجواء المشحونة بين مصر والجزائر في السودان..
عادل إمام يقولك إنه يقدم فناً عالمياً إنسانياً وهو لم ينل جائزة دولية واحدة توحد ربنا..
عادل إمام بيتخانق على الفضائيات مع خالد الجندي ويشتم عمرو خالد..
عادل إمام يقولك أنا لما دخلت مدرج في ندوة حضرتها ولقيت الطالبات المسيحيات بشعرهم زعلت جداً إننا بنفرق بين الطلاب وبعضيهم المفروض عشان نبقى كيان واحد منعرفش مين المسلم ومين المسيحي.. وإذا كانت المسيحية عمرها ما هتلبس حجاب يبقى المسلمة......
عادل إمام فتح قناة مخصوص لنفسه...
هو مين عادل إمام ده بقى؟!!
قال ايه بتاعة في حب مصر! ومبادرات وحمام أبيض بيطير في السما، وأغصان زيتون وأغاني وطنية وعلم مصر وعلاء مبارك وموسيقى عسكرية وأهلي واسماعيلي.. وفي وسط الماتش الجماهير تنزل شتيمة في بعضيها بالأب والأخ والخال والعم بس بالأم لأ.. عارفين ليه؟! عشان المبادرة يا جماعة دي حاجة واضحة يعني!! إنما اللي نفسي أعرفه هل ممكن نلاقي مبادرة زي دي بين أصحاب المخابز وآكلين العيش ؟!!!
آخر علامة استفهام.. هو احنا دلوقتي بقينا في السنة الهجرية رقم كام؟! الواحد بقاله زمان مش بيبص في نتيجة، ولا بيكتب التاريخ الهجري قبل الميلادي - زي ما أبلة عفاف علمتنا - على يمين الصفحة.. يا ترى حد معاه نمرة أبلة عفاف عشان أسألها هى دي السنة رقم كام؟!!
18 ديسمبر 2009
هناك تعليقان (2):
كلامك على اد ماهو مؤلم الا انه حقيقة .. حقيقة مؤلمة زى الواقع تمام .. عندك حق فعلا ان الجدار اللى هيتبنى هيكون مش متين .. بس ليه اصلا نبينبه من الاول .. هم ناقصين .. مش كفاية اللى هم فيه .. اما حكاية العذرا مريم .. فمش هاعلق عليها غير ان المصريين مابيصدقوا اى حاجة تطلعهم من همهم سوا حقيقة او لا .. بس اهى حاجة تشغلهم كام يوم لحد ماحاجة جديدة تطلع .. ربنا يستر من اللى جاى
اخر حاجة ومعلش ان كنت طولت .. عجبتنى جدا المدونة .. وعجبنى اكتر كلامك .. سلمت يداك
ما هو كله بحجة الأمن القومي يا براديس يقولك جدار عازل وقانون طوارئ وكله على أفا المواطن الغلبان!!
بالظبط هى حاجة تشغلهم خصوصاً الإخوة الأقباط عشان يبطلوا اعتصمات.. حكومة ذكية برضه بس لو تستغل ذكاءها ده في منفعتنا كانت الحياة بقت جنة..
ميرسي يا براديس ده بس من ذوقك.. نورتيني جداً وأتمنى متكونش أخر مرة تنوريني فيها..
وكل سنة وأنتي طيبة ^_^
إرسال تعليق