إفرازات ثلاثية من عقل أضنته الحياة!!....
ليه؟!
يعني إيه شهبندر؟!
يعني إيه سلبندر؟!
ويعني إيه شهبور؟!!
***
وليه النجوم لامعة؟!
وليه الشمس والعة؟!
وليه الأرض بتدور؟!!
***
يعني إيه إسكندرية؟!
ويعني إيه عباسية؟!
ويعني إيه دمنهور؟!!
***
وليه النحلة نحلة؟!
وليه الفراشة فراشة؟!
وليه للدبور زنبور؟!!
***
يعني إيه حبهان؟!
ويطلع إيه الجان؟!
واشمعنى يوم الجمعة.. بنولع بخور؟!!
***
يعني إيه سباحة؟!
ويعني إيه ملاحة؟!
وتطلع إيه البحور؟!!
***
يعني إيه كروان؟!
يعني إيه يمام؟!
ويعني إيه شحرور؟!!
***
يعني إيه الموت؟!
ويعني إيه تابوت؟!
ويعني إيه النور؟!!
***
كلها أسئلة..
وفين الأجوبة؟!
وإيه الحلول؟!!
***
يا إما أنا اتجننت..
يا إما الحياة هى اللي مجنونة..
وأنا الدكتور!!!
كُتبت من سنة بالتمام والكمال
في 5 مايو 2008
هناك 12 تعليقًا:
رائعه يا ميسره
و متى ستنتهي حالة الليه اللتي نعيش فيها :)
تصدق مش عارفه ولا اجابه ،بس جامده مووووووووت، قولى ليه بقى.....
هيثوم ميرسي يا كبير.. ربنا يخليك..
فعلاً تساؤل في محله..
ربما تنتهي اليوم.. ربما غداً.. ربما لن تنتهي أبداً...
تحياتي يا زعيم..
ميرسي يا بسنت ده بس من ذوقك والله..
أسعدني جداً إنها عجبتك جداً.. بس مش عارف ليه :))
تحياتي..
آه من الحق يا شباب في حلقة جديدة من جانب النجوم أتمنى أشوف أرائكم..
:))
يعنى ايه بئا كل اللى انت قولته دة ؟؟؟؟؟؟؟؟؟؟؟؟؟؟؟؟؟؟؟
انا عن نفسى معرفش
لا حلوة فعلا
حلوة بجد
تسلم ايدك
ولما هى من سنة محطتهاش ليه كل دة
ست الكل نونا..
منوراني أولاً.. وأسعدني للغاية إن إفرازات عقلي اللاواعي نالت إعجابك :)
بالنسبة للمدونة فأنا لم أكن أملك من الوقت الذي يجعلني أهتم بها.. فكنت أكتب ما يتراءى لي على الورق غير مدرك أنه سيأتي يوم ويقرأه ضحايا :))
نورتيني مرة تانية :)
حلوه
وفيها تهييس عالى
بندقة.. أشكرك كثيراً..
أحمد الله على أن إفرازات عقلي نالت رضاكم السامي :))
تحياتي...
هى جميله وتحفه
بس هديك جايزه كبيره لو جاوبتنى على سؤال واحد منها
وهو ليه بنولع بخور يوم الجمعه؟
هتجنن بجد هههههههه
مش عارف والله يا أية :))
ظاهرة لازم ندرسها :))
ها تخشي معايا في الدراسة دي :)
اوك موافقه
يلا نبدأ
ماشي يا يويو :)
إرسال تعليق